पत्रपुष्प र मेरा रहर

झिना-झाम्टा बोकेर बिदा माग्दैछ
अक्टोबर महिना
रुखका पहेंला र राता पातहरु जस्तै यहाँ
कयौं रहरहरु पँहेंलिएछन्
कति रगताम्ये छन्
मुदुङ्सान मा ठोक्किएर बहने चिसो बहावले
राता पातहरु बुरुरु झर्छन्
छरपष्ट भुईंमा आँखाहरु डुलाई
खोजिरहेछु मेरा, छताछुल्ल रहरहरु
तैपनि,
विवश यी पाईलाहरु
सुई र स्लाईन दिएर हुर्काईएको चोसुनको बोट जस्तै
लम्किरहेछन् निरन्तर
बिल्कुल अप्राकृतिक रुपमा ।

Oct 31, 2012. South Korea.
Autumn is a second spring when every leaf is a flower. ~Albert Camus